വെള്ളപ്പൊക്കത്തില്‍ ഇന്തോനേഷ്യയില്‍ 58 പേര്‍ കൊല്ലപ്പെട്ടു

അപ്രതീക്ഷിത വെള്ളപ്പൊക്കത്തിലും മണ്ണിടിച്ചിലിലും ഇന്തോനേഷ്യയില്‍ 58 പേര്‍ കൊല്ലപ്പെട്ടതായി റിപ്പോര്‍ട്ടുകള്‍. കനത്ത മഴയെ തുടര്‍ന്നാണ് ദുരന്തം ഉണ്ടായതെന്ന് സര്‍ക്കാര്‍ പറയുന്നു. ഇന്തോനേഷ്യയിലെ പാപുവ പ്രവശ്യയിലെ ജയപുര ജില്ലയില്‍ ആണ് വെള്ളപ്പൊക്കം ഉണ്ടായത്. 

റോഡുകളും പാലങ്ങളും ഒലിച്ചുപോയത് രക്ഷാപ്രവര്‍ത്തനത്തെ ബാധിച്ചിട്ടുണ്ടെന്ന് ദേശീയ ദുരന്തനിവാരണ ഏജന്‍സി പറഞ്ഞു. ശനിയാഴ്‍ച്ച അര്‍ധരാത്രി മുതലാണ് മേഖലയില്‍ വെള്ളപ്പൊക്കം ഉണ്ടായത്. മരിച്ചവരില്‍ മൂന്നു കുട്ടികളും ഉള്‍പ്പെട്ടിട്ടുണ്ട്. 

ചെളിയില്‍ നിന്നും വെള്ളപ്പൊക്കം ബാധിച്ച സ്ഥലങ്ങളില്‍ നിന്നും ഇതുവരെ കണ്ടെത്തിയ മൃതദേഹങ്ങളുടെ എണ്ണമാണ് 58 എന്നാണ് സ്ഥിരീകരണം. 74 പേര്‍ വിവിധ ആശുപത്രികളില്‍ ചികിത്സയിലുണ്ട്. മരണസംഖ്യ ഉയര്‍ന്നേക്കുമെന്നാണ് സൂചനകള്‍. മഴക്കാലത്ത് മണ്ണൊലിപ്പും വെള്ളപ്പൊക്കവും പതിവുള്ള രാജ്യമാണ് ഇന്തോനേഷ്യ. 17,000 ദ്വീപുകളുടെ കൂട്ടമാണ് ഈ രാജ്യം. 

RELATED STORIES