ദ​ന്തേ​​വാ​ഡ​യി​ൽ സ്ഫോ​ട​നം; അ​ഞ്ച് സൈനികര്‍ക്ക് പ​രി​ക്കേ​റ്റു

റായ്‍പൂര്‍: ഛത്തീസ്ഗഢിലെ ദന്തേവാഡയിൽ നക്സലുകള്‍ നടത്തിയ സ്ഫോടനത്തില്‍ അഞ്ച് സിആർപിഎഫ് ജവാന്മാർക്ക് പരിക്കേറ്റു. മാരക പ്രഹര ശേഷിയുള്ള ഐഇഡി ഉപയോഗിച്ചാണ് നക്സലുകൾ സൈനികര്‍ക്കെതിരെ ആക്രമണം നടത്തിയത്. 

നക്സലുകളും സിആർപിഎഫും തമ്മില്‍ നേരത്തേ ഏറ്റുമുട്ടല്‍ നടന്നിരുന്നു. സിആര്‍പിഎഫിന്‍റെ ഭാഗത്ത് നിന്നും വെടിവയ്പ് രൂക്ഷമായപ്പോൾ നക്സലുകൾ വനത്തിലേക്ക് പിൻവലിഞ്ഞു. പിന്നാലെയാണ് സിആർപിഎഫിന് നേരെ സ്ഫോടനം നടന്നത്. സൈനികരുടെ പരിക്ക് ഗുരുതരമല്ലെന്നാണ് റിപ്പോര്‍ട്ട്. 

അതേസമയം ശ്രീനഗറിലും ഇന്ത്യന്‍ സൈന്യത്തിന് നേരെ ആക്രമണമുണ്ടായി. നിയന്ത്രണരേഖക്ക് സമീപം പാകിസ്ഥാൻ സൈന്യമാണ് വെടിവെപ്പ് നടത്തിയത്. വെടിവെപ്പിൽ ഒരു സൈനികൻ കൊല്ലപ്പെട്ടു. വെടി നിർത്തൽ കരാർ തുടർച്ചയായി പാകിസ്ഥാൻ ലംഘിക്കുകയാണ്. വെടിവെപ്പും മോട്ടോർ ഷെൽ ആക്രമണവും നിയന്ത്രണ രേഖക്ക് സമീപം പാകിസ്ഥാൻ നടത്തിയിരുന്നു. 

ജമ്മുവിന്റെ വിവിധ മേഖലകളിൽ കഴിഞ്ഞ കുറെ ദിവസങ്ങളായി പാകിസ്ഥാൻ വെടിവെപ്പ് നടത്തിയിരുന്നു. ഇന്ന് പുലർച്ചെയായിരുന്നു പാകിസ്ഥാൻ വീണ്ടും വെടിവെപ്പ് നടത്തിയത്. മൂന്ന് സൈനികർക്ക് വെടിവെപ്പിൽ പരിക്കേറ്റു. രാവിലെ 7:30 ഓടെ ഇന്ത്യൻ സൈന്യം തിരിച്ചടിച്ചെന്നും അതോടെ പാകിസ്ഥാൻ വെടിവെപ്പ് അവസാനിപ്പിച്ചെന്നും പ്രതിരോധവകുപ്പ് വക്താവ് അറിയിച്ചു.

RELATED STORIES