10 மற்றும் 12ம் வகுப்பு தேர்வு முடிவுகள் தேதி அறிவிப்பு!

தமிழகம் மற்றும் புதுச்சேரியில் நடைபெற்ற 10ம் வகுப்பு, 12ம் வகுப்பு பொதுத்தேர்வுகள் முடிவுகள் வெளியாகும் தேதிகள் அறிவிக்கப்பட்டுள்ளது. 

இந்த கல்வியாண்டிற்கான பத்தாம் வகுப்பு மற்றும் பன்னிரெண்டாம் வகுப்புகளுக்கான பொதுத்தேர்வு கடந்த மார்ச் மாதம் நடைபெற்றது. 10ம் வகுப்புக்கு மார்ச் 14 முதல் 29ம் தேதி வரையிலும், 12ம் வகுப்புக்கு மார்ச் 1 முதல் 19ம் தேதி வரையிலும் தேர்வுகள் நடைபெற்றது 

இந்நிலையில், தற்போது 10 மற்றும் 12ம் வகுப்பு பொத்தேர்வுகளின் முடிவுகள் வரும் 29 மற்றும் 19 தேதிகளில் வெளியாகும் என்று அறிவிக்கப்பட்டுள்ளது. இதனை பள்ளிக்கல்வித்துறையின் அதிகாரப்பூர்வ இணையதள பக்கத்தில் சென்று மாணவர்கள் தெரிந்து கொள்ளலாம். இதே போல், மற்ற வகுப்புகளுக்கு நடைபெற்ற ஆண்டு இறுதித் தேர்வுகளின் முடிவுகள் மே 2ம் தேதி வெளியாகும் என்று தெரிவிக்கப்பட்டுள்ளது. 

தேர்வில் குறைந்தபட்ச மதிப்பெண் எடுக்க முடியாமல் மாணவர்கள் தோல்வியுற்றால், அவர்களுக்கு மீண்டும் ஒரு வாய்ப்பு வழங்கும் வகையில், ஜூன் 3 முதல் 10ம் தேதி வரையில் மறுதேர்வு நடத்தப்பட உள்ளது.

தமிழகம் மற்றும் புதுச்சேரியில் மொத்தம் 12,546 பள்ளிகளைச் சேர்ந்த 9 லட்சத்து 59 ஆயிரம் மாணவ, மாணவிகள் தேர்வை எழுதினர். இதில் தனித்தேர்வர்கள் 38,176 ஆவர். மேலும், 4 திருநங்கைகளும் பொதுத்தேர்வை எழுதினர். மொத்தம் 3,731 தேர்வுமையங்கள் இதற்காக அமைக்கப்பட்டன. சென்னையில் மட்டும் மொத்தம் 213 தேர்வு மையங்கள் அமைக்கப்பட்டு, 50,678 மாணவ, மாணவிகள் பத்தாம் வகுப்பு பொதுத்தேர்வுகளை எழுதினர். புதுச்சேரியில் 302 பள்ளியைச் சேர்ந்த 16,597 மாணவ, மாணவிகள் தேர்வை எழுதினர். 

RELATED STORIES