നാ​ട്ടു​കാ​ര്‍​ക്കെ​തി​രേ മൈ​ക്ക് വച്ച് അ​സ​ഭ്യം പ​റ​ഞ്ഞ് വെ​ല്ലു​വി​ളി​ച്ച യു​വാ​വ് അ​റ​സ്റ്റി​ൽ

Reporter: News Desk 14-Apr-2023
2,072
നാ​ട്ടു​കാ​ര്‍​ക്കെ​തി​രേ മൈ​ക്ക് വച്ച് അ​സ​ഭ്യം പ​റ​ഞ്ഞ് വെ​ല്ലു​വി​ളി​ച്ച യു​വാ​വ് അ​റ​സ്റ്റി​ൽ

കാ​യം​കു​ളം: കീ​രി​ക്കാ​ട് സ്വ​ദേ​ശി​യാ​യ ഡോ​ണ്‍ ര​വി​യെ​യാ​ണ് കാ​യം​കു​ളം പോ​ലീ​സ് അ​റ​സ്റ്റ് ചെ​യ്ത് ജാ​മ്യ​ത്തി​ൽ വി​ട്ട​യ​ച്ച​ത്. സം​ഭ​വ​ത്തി​ന്‍റെ വീ​ഡി​യോ സ​മൂ​ഹ​മാ​ധ്യ​മ​ങ്ങ​ളി​ലൂ​ടെ പ്ര​ച​രി​ച്ച​തോ​ടെ പോ​ലീ​സ് സ്വ​മേ​ധ​യാ കേ​സെ​ടു​ക്കു​ക​യാ​യി​രു​ന്നു.


വീ​ടി​നു സ​മീ​പ​ത്തെ ഒ​രു ചാ​യ​ക്ക​ട​യു​ടെ മു​ന്നി​ലെ​ത്തി​യാ​ണ് അ​പ​വാ​ദ​പ്ര​ച​ാര​ണം ന​ട​ത്തി​യ​വ​ർ​ക്കെ​തി​രേ മൈ​ക്കി​ലൂ​ടെ അ​സ​ഭ്യം പ​റ​ഞ്ഞ് വെ​ല്ലു​വി​ളി​ച്ച​ത്. പ്ര​വാ​സി​യാ​യി​രു​ന്ന ഡോ​ൺ ര​വി നാ​ട്ടി​ലേ​ക്ക് മ​ട​ങ്ങി​യശേ​ഷം പ​ണി​യി​ല്ലാ​തെ ഒ​രുവ​ര്‍​ഷം ക​ഷ്ട​പ്പെ​ട്ടു. പി​ന്നീ​ട് ചെ​റി​യ ബി​സി​ന​സു​ക​ൾ ചെ​യ്തു. പി​ന്നാ​ലെ സ്ഥ​ലം വാ​ങ്ങി വീ​ട് വ​ച്ചു.

വീ​ടി​ന് ക​ല്ലി​ട്ട​പ്പോ​ള്‍ മു​ത​ല്‍ നാ​ട്ടു​കാ​രു​ടെ വ​ക അ​പ​വാ​ദം പ​റ​ച്ചി​ല്‍ ആ​രം​ഭി​ച്ചെ​ന്ന് ര​വി പ​റ​യു​ന്നു. ചാ​യ​ക്ക​ട​യി​ലും ക​വ​ല​യി​ലും എ​ല്ലാം അ​പ​വാ​ദം. സ്ത്രീ​ക​ളു​മാ​യി അ​വി​ഹി​തബ​ന്ധം, പ​ണം ക​ടം വാ​ങ്ങി​യ ശേ​ഷം ചി​റ്റ​പ്പ​നെ ത​ല്ലി, പാ​ലു​കാ​ച്ചലി​ന് 25 ല​ക്ഷം രൂപ കി​ട്ടി എ​ന്നി​ങ്ങ​നെ അ​പ​വാ​ദ​ങ്ങ​ളു​ടെ പെ​രു​മ​ഴ. ഒ​ടു​വി​ൽ സ​ഹി​കെ​ട്ട​പ്പോ​ഴാ​ണ് വേ​റി​ട്ട പ്ര​തി​ക​ര​ണ​വു​മാ​യി ഡോ​ൺ രം​ഗ​ത്തുവ​ന്ന​ത്.

അ​പ​വാ​ദ​ങ്ങ​ളി​ൽ സ​ഹി​കെ​ട്ട ഡോ​ൺ, അ​ടു​ത്ത വീ​ട്ടി​ലെ കു​ട്ടി​ക​ള്‍ തി​രു​വാ​തി​ര പ​രി​ശീ​ലി​ച്ച് കൊ​ണ്ടി​രു​ന്ന മൈ​ക്ക് വാ​ങ്ങി.
നേ​രെ പ്ര​ദേ​ശ​ത്ത് ആ​ള് കൂ​ടു​ന്ന ചാ​യ​ക്ക​ട​യു​ടെ മു​ന്നി​ലെ​ത്തി അ​സ​ഭ്യ​വ​ർ​ഷം ന​ട​ത്തി പ്ര​തി​ഷേ​ധം അ​റി​യി​ക്കു​ക​യാ​യി​രു​ന്നു. സ​ഹി​ക്കാ​വു​ന്ന​തി​ന് അ​പ്പു​റം എ​ത്തി​യ​പ്പോ​ഴാ​ണ് ഇ​ങ്ങ​നെ പ്ര​തി​ക​രി​ക്കേ​ണ്ടിവ​ന്ന​തെ​ന്നാ​ണ് ഡോ​ണ്‍ ന്യായീകരിച്ചത്.

വീ​ഡി​യോ വൈ​റ​ലാ​യ​തോ​ടെ സ​മാ​ന അ​നു​ഭ​വം നേ​രി​ടു​ന്ന അ​നേ​കം പേ​ർ അ​നു​കൂ​ലി​ച്ച് രം​ഗ​ത്തെ​ത്തി.​ എ​ന്നാ​ൽ പ​ര​സ്യ​മാ​യി അ​സ​ഭ്യം പ​റ​ഞ്ഞ് വെ​ല്ലു​വി​ളി​ച്ച ന​ട​പ​ടി നി​യ​മലം​ഘ​ന​മാ​ണ​ന്ന് പ​രാ​തി​ക​ളും ഉ​യ​ർ​ന്ന​തോ​ടെ​യാ​ണ് പോ​ലീ​സ് സ്വ​മേ​ധ​യാ കേ​സെ​ടു​ത്ത​ത്.

RELATED STORIES