നാലു കോടി ചെലവിട്ട് ടാറിംഗ് ; വെറും മൂന്ന് മാസമായപ്പോഴേക്കും തകർന്ന് തരിപ്പണമായി റോഡ് ; പ്രക്ഷോഭത്തിനൊരുങ്ങി നാട്ടുകാർ

Reporter: News Desk 17-Jun-2024
892
നാലു കോടി ചെലവിട്ട് ടാറിംഗ് ; വെറും മൂന്ന് മാസമായപ്പോഴേക്കും തകർന്ന് തരിപ്പണമായി റോഡ് ; പ്രക്ഷോഭത്തിനൊരുങ്ങി നാട്ടുകാർ

പത്തനംതിട്ട: ടാറിംഗ് പൂർത്തിയായി വെറും മൂന്ന് മാസമായ പത്തനംതിട്ട റാന്നിയിലെ ജണ്ടായിക്കൽ - അത്തിക്കയം റോഡ് തകർന്ന് തരിപ്പണമായതായി റിപ്പോർട്ട്. നാലു കോടി ചെലവിട്ടായിരുന്നു ടാറിങ് നടത്തിയത്. ഉന്നത നിലവാരത്തിൽ പണിപൂർത്തിയാക്കിയെന്ന് എംഎൽഎയും ഉദ്യോഗസ്ഥരുമൊക്കെ അവകാശപ്പെട്ട ജണ്ടായിക്കൽ - അത്തിക്കയം റോഡിനാണ് ഈ ദുരവസ്ഥയുണ്ടായത്.

അതേസമയം പഴവങ്ങാടി - നാറാണമൂഴി പഞ്ചായത്തുകളെ ബന്ധിപ്പിക്കുന്ന റോഡ് ഏറെക്കാലത്തിന് ശേഷമാണ് നവീകരിച്ചത്. ക്രമക്കേട് അന്വേഷിക്കണമെന്ന് ആവശ്യപ്പെട്ട് മുഖ്യമന്ത്രിക്ക് അടക്കം ജനകീയ സമിതി പരാതി നൽകിയിരുന്നു. അഴിമതി ആരോപണം ശക്തമായപ്പോൾ പൊതുമരാമത്ത് വകുപ്പ് ക്വാളിറ്റി വിഭാഗം പരിശോധന നടത്തിയിരുന്നു.

എന്നാൽ റിപ്പോർട്ട് പൂഴ്ത്തി എന്നാണ് നാട്ടുകാരുടെ ആക്ഷേപം. നിർമ്മാണത്തിലെ അഴിമതി അന്വേഷിക്കണമെന്ന് ആവശ്യപ്പെട്ട് പ്രക്ഷോഭത്തിനൊരുങ്ങുകയാണ് ഇപ്പോൾ നാട്ടുകാർ.


RELATED STORIES