കാമുകിയെ യുവാവ് നടുറോഡില്‍ സ്പാനറിന് അടിച്ചുകൊന്നു

Reporter: News Desk 18-Jun-2024
857
കാമുകിയെ യുവാവ് നടുറോഡില്‍ സ്പാനറിന് അടിച്ചുകൊന്നു

വസായ്: പ്രണയത്തില്‍ നിന്ന് പിന്മാറിയ കാമുകിയെ യുവാവ് നടുറോഡില്‍ സ്പാനറിന് അടിച്ചുകൊന്നു. ചിഞ്ച്പടയില്‍ കഴിഞ്ഞ ദിവസം രാവിലെയായിരുന്നു സംഭവം. ആള്‍ക്കൂട്ടം നോക്കി നില്‍ക്കെയായിരുന്നു ആക്രമണം. 29 കാരനായ രോഹിത് യാദവ് യുവതിയുടെ നെഞ്ചിലും തലയിലും തുടര്‍ച്ചയായി അടിച്ചാണ് മരണം ഉറപ്പു വരുത്തിയത്.

രണ്ട് വര്‍ഷം നീണ്ട പ്രണയത്തില്‍ നിന്ന് യുവതി പിന്മാറിയെന്ന് പറഞ്ഞായിരുന്നു ആക്രമണം. കൊലപാതകത്തിന് ശേഷം മൃതദേഹത്തിനരികിലിരുന്ന് 'നീ എന്നോട് എന്തിന് ഇത് ചെയ്തു'' എന്ന് ചോദിച്ച് യുവാവ് അലറുന്നതും കാണാമായിരുന്നു. ആള്‍ക്കൂട്ടം നോക്കി നിന്നതല്ലാതെ ഒരാള്‍ പോലും ആക്രമണം തടയാന്‍ ശ്രമിച്ചില്ല. രക്തത്തില്‍ കുളിച്ച് കിടന്ന യുവതിയെ ആശുപത്രിയിലെത്തിക്കാനും കണ്ടു നിന്നവര്‍ ശ്രമിച്ചില്ല.

കൂടിനിന്നവരില്‍ ആരോ പകര്‍ത്തിയ വീഡിയോയാണ് സോഷ്യല്‍ മീഡിയയില്‍ പ്രചരിച്ചത്. അടിയേറ്റ യുവതി തത്ക്ഷണം മരിച്ചെന്നാണ് റിപ്പോര്‍ട്ട്. 20 കാരിയായ ആരതിയാണ് കൊല്ലപ്പെട്ടത്. രോഹിത് യാദവിനെ ലോക്കല്‍ പൊലീസ് പിടികൂടി.

RELATED STORIES