മംഗലാപുരം – നാഗര്‍കോവിൽ പരശുറാം എക്‌സ്പ്രസ് ഇന്ന് മുതല്‍ സര്‍വീസ് കന്യാകുമാരി വരെ നീട്ടി

Reporter: News Desk 03-Jul-2024
994
മംഗലാപുരം – നാഗര്‍കോവിൽ പരശുറാം എക്‌സ്പ്രസ് ഇന്ന് മുതല്‍ സര്‍വീസ് കന്യാകുമാരി വരെ നീട്ടി

രണ്ട് കൊച്ചുകള്‍ അധികമായി ഘടിപ്പിച്ച് കൊണ്ടാണ് മാറ്റം. നാഗര്‍കോവിൽ ജങ്ഷന്‍ പണി നടക്കുന്നത് കൊണ്ടാണ് മാറ്റമെന്നാണ് റെയിൽവെ വാര്‍ത്താക്കുറിപ്പിൽ അറിയിച്ചത്.

ഇത് താത്കാലികമാണെന്ന് പറയുന്നുണ്ടെങ്കിലും എത്ര നാൾ ഈ സര്‍വീസ് നീളുമെന്ന് വ്യക്തമാക്കിയിട്ടില്ല. ഇന്ന് മംഗലാപുരത്ത് നിന്ന് സര്‍വീസ് ആരംഭിക്കുന്ന പരശുറാം എക്സ്പ്രസ് രാത്രി 9.15 ന് കന്യാകുമാരിയിലെത്തും. നാളെ മുതൽ പുലര്‍ച്ചെ 3.45 ന് ട്രെയിൻ കന്യാകുമാരിയിൽ നിന്ന് സര്‍വീസ് ആരംഭിക്കും.

ട്രെയിനിൽ ഉൾപ്പെടുത്തിയ അധിക രണ്ട് കോച്ചുകളും ജനറൽ കോച്ചുകളാണ്. ഇതടക്കം 16 ജനറൽ കോച്ചുകളും മൂന്ന് സെക്കൻ്റ് ക്ലാസ് ചെയര്‍ കാര്‍ കോച്ചുകളും രണ്ട് എസി ചെയര്‍ കാറുകളും രണ്ട് ദിവ്യാങ്ജൻ സൗഹൃദ കോച്ചുകളും ട്രെയിനിലുണ്ടാകും.

അതേസമയം, ഏറെ പ്രതീക്ഷയോടെ കാത്തിരുന്ന, എറണാകുളം– ബെംഗളൂരു റൂട്ടിൽ വരുമെന്നു കരുതിയ വന്ദേഭാരത് ട്രെയിൻ കേരളം വിട്ടേക്കും. മാസങ്ങളായി കൊല്ലത്തു കിടന്ന വന്ദേഭാരത് റേക്ക് ഇന്നു വൺവേ സ്പെഷൽ ട്രെയിനായി കൊച്ചുവേളിയിൽ നിന്നു മംഗളൂരുവിലേക്ക് ഓടിക്കുകയാണ്.

വേനൽക്കാലത്തെ തിരക്കൊഴിവാക്കാനാണ് അധിക സർവീസെന്നു ദക്ഷിണ റെയിൽവേ അധികൃതർ പറയുന്നു. കേരളത്തിൽ നിന്ന് ഏറ്റവും തിരക്കേറെയുള്ള ബെംഗളൂരുവിലേക്കു വന്ദേഭാരത് സർവീസ് ട്രെയിൻ യാത്രക്കാരുടെ പ്രധാന ആവശ്യമാണ്. ഈ പ്രതീക്ഷയാണ് അധികൃതർ വീണ്ടും തകർത്തത്.

RELATED STORIES