കേ​ര​ള​ത്തി​ലെ ഇ​റ​ച്ചി​ക്കോ​ഴി​ക​ളി​ൽ മ​രു​ന്നു​ക​ളെ അ​തി​ജീ​വി​ക്കു​ന്ന ബാ​ക്​​ടീ​രി​യ സാ​ന്നി​ധ്യം സ്ഥി​രീ​ക​രി​ച്ച്​ ഐ.​സി.​എം.​ആ​ർ

Reporter: News Desk 18-Nov-2024
188
കേ​ര​ള​ത്തി​ലെ ഇ​റ​ച്ചി​ക്കോ​ഴി​ക​ളി​ൽ മ​രു​ന്നു​ക​ളെ അ​തി​ജീ​വി​ക്കു​ന്ന ബാ​ക്​​ടീ​രി​യ സാ​ന്നി​ധ്യം സ്ഥി​രീ​ക​രി​ച്ച്​ ഐ.​സി.​എം.​ആ​ർ

ആ​ൻറി​ബ​യോ​ട്ടി​ക്​ പ്ര​തി​രോ​ധം എ​ന്ന​റി​യ​പ്പെ​ടു​ന്ന ഈ ​ഗു​രു​ത​ര സാ​ഹ​ച​ര്യ​ത്തെ ത​ട​യു​ന്ന​തി​ന്​ ആ​രോ​ഗ്യ​വ​കു​പ്പി​ൻറെ നേ​തൃ​ത്വ​ത്തി​ൽ തീ​​വ്ര​യ​ജ്ഞം ന​ട​ക്കു​മ്പോ​ഴാ​ണ്​ നി​ർ​ണാ​യ​ക​മാ​യ ക​ണ്ടെ​ത്ത​ൽ. ​ ഐസിഎംആ​റി​ലെ ശാ​സ്​​ത്ര​ജ്ഞ​ൻ ഡോ. ​ഷോ​ബി വേ​ളേ​രി​യു​ടെ​ നേ​തൃ​ത്വ​ത്തി​ൽ അ​ജ്​​മ​ൽ അ​സീം, പ്രാ​ർ​ഥി സാ​ഗ​ർ, എ​ൻ സം​യു​ക്​​ത​കു​മാ​ർ റെ​ഡ്ഡി എ​ന്നി​വ​ര​ട​ങ്ങു​ന്ന സം​ഘ​മാ​ണ്​ പ​ഠ​നം ന​ട​ത്തി​യ​ത്.

കേ​ര​ള​ത്തി​നു​ പു​റ​മേ, തെ​ല​ങ്കാ​ന​യി​ൽ​നി​ന്നു​ള്ള സാ​മ്പി​ളു​ക​ളി​ലും ജീ​ൻ ​പ്രൊ​ഫൈ​ൽ സ്ഥി​രീ​ക​രി​ച്ചി​ട്ടു​ണ്ട്. വ്യ​വ​സാ​യി​കാ​ടി​സ്ഥാ​ന​ത്തി​ൽ ​പ്രൗ​ൾ​​ട്രി ഫാ​മു​ക​ൾ ആ​രം​ഭി​ച്ച​​തോ​ടെ കോ​ഴി​വ​ള​ർ​ത്ത​ലി​ന്​ വ്യാ​പ​ക​മാ​യി ആ​ൻറി​ബ​യോ​ട്ടി​ക്കു​ക​ൾ ഉ​പ​യോ​ഗി​ക്കു​ന്ന സ്ഥി​തി​യു​ണ്ട്. ഇ​താ​ണ്​ ആ​ൻറി​ബ​യോ​ട്ടി​ക്കു​ക​ളെ അ​തി​ജീ​വി​ക്കു​ന്ന ബാ​ക്ടീ​രി​യ സാ​ന്നി​ധ്യ​ത്തി​ന്​ (ആ​ൻറി​ബ​യോ​ട്ടി​ക്​ പ്ര​തി​രോ​ധം) കാ​ര​ണ​മെ​ന്നാ​ണ്​ പ​ഠ​ന​ത്തി​ലെ ക​ണ്ടെ​ത്ത​ൽ.

ഐ.​സി.​എം.​ആ​ർ - നാ​ഷ​ന​ൽ ഇ​ൻ​സ്റ്റി​റ്റ്യൂ​ട്ട്​ ഓ​ഫ്​ ന്യൂ​ട്രീ​ഷ്യ​നി​ലെ (ഹൈ​ദ​രാ​ബാ​ദ്) ഡ്ര​ഗ്​​സ്​ സേ​ഫ്​​റ്റി ഡി​വി​ഷ​ൻ ഒ​രു അ​ന്താ​രാ​ഷ്ട്ര​ ജേ​ണ​ലി​ലാ​ണ്​ ഈ ​പ​ഠ​നം പ്ര​സി​ദ്ധീ​ക​രി​ച്ച​ത്. ദ​ക്ഷി​ണേ​ന്ത്യ​യി​ലെ ബ്രോ​യി​ല​ർ കോ​ഴി​ക​ളി​ൽ ആ​ൻറി​ബ​യോ​ട്ടി​ക്​ പ്ര​തി​രോ​ധം വ​ർ​ധി​ക്കു​ന്ന​താ​യി നേ​ര​ത്തേ​ത​ന്നെ സൂ​ച​ന​ക​ളു​ണ്ടെ​ങ്കി​ലും ഇ​തി​നെ ശാ​സ്ത്രീ​മാ​യി സാ​ധൂ​ക​രി​ക്കു​ന്ന പ​ഠ​ന​ങ്ങ​ളോ ഡേ​റ്റ​ക​ളോ ഉ​ണ്ടാ​യി​രു​ന്നി​ല്ല. വി​വി​ധ മേ​ഖ​ല​ക​ളി​ൽ​നി​ന്ന്​ കോ​ഴി​വി​സ​ർ​ജ്യം ശേ​ഖ​രി​ക്കു​ക​യും ഡി.​എ​ൻ.​എ വേ​ർ​തി​രി​ച്ച്​ പ​ഠ​ന വി​ധേ​യ​മാ​ക്കു​ക​യു​മാ​ണ്​ സം​ഘം ചെ​യ്​​ത​ത്.

ഗ്രാം ​നെ​ഗ​റ്റി​വ്, ഗ്രാം ​പോ​സി​റ്റി​വ്​ എ​ന്നി​ങ്ങ​നെ ര​ണ്ടു​ത​ര​ത്തി​ലാ​ണ്​ ബാ​ക്ടീ​രി​യ​ക​ളെ ത​​രം​തി​രി​ച്ചി​രി​ക്കു​ന്ന​തെ​ന്ന്​ ഡോ. ​ഷോ​ബി വേ​ളേ​രി പ​റ​ഞ്ഞു. ‘ഏ​റ്റ​വും അ​പ​ക​ട​കാ​രി​ക​ളാ​ണ്​ ഗ്രാം ​നെ​ഗ​റ്റി​വ്​ വി​ഭാ​ഗ​ത്തി​ലു​ള്ള​വ. ത​ല​യി​ൽ ഹെ​ൽ​മ​റ്റ്​ വെ​ച്ച​തി​ന്​ സ​മാ​ന​മാ​യി മ​രു​ന്നു​ക​ളേ​ശാ​ത്ത വി​ധ​ത്തി​ലു​ള്ള അ​ധി​ക സു​ര​ക്ഷ പാ​ളി സ്വ​ത​വേ ഇ​വ​യ്​​ക്കു​ണ്ട്. ഇ​ത്ത​രം ബാ​ക്ടീ​രി​യ​ക​ൾ ആ​ൻറി​ബ​യോ​ട്ടി​ക്​ പ്ര​തി​രോ​ധം കൂ​ടി ആ​ർ​ജി​ച്ചാ​ൽ ഇ​വ മ​രു​ന്നു​ക​ളി​ൽ​നി​ന്ന്​ ഇ​ര​ട്ടി​ സു​ര​ക്ഷി​ത​മാ​കും. ഇ​താ​ക​ട്ടെ കൂ​ടു​ത​ൽ അ​പ​ക​ട​ക​ര​മാ​ണ്.

കോഴികളുടെ വിസർജ്യങ്ങൾ ശേഖരിച്ച് ജീനോമിക് ഡിഎൻഎയെ വേർതിരിച്ചാണ് പഠനം നടത്തിയത്. ഇന്ത്യയിൽ ആൻറിബയോട്ടിക് ചികിത്സയ്ക്ക് വെല്ലുവിളി ഉയർത്തുന്ന ഇ-കോളി, ക്ലോസ്ട്രിഡിയം പെർഫ്രിംഗൻസ്, ക്ലെബ്‌സിയെല്ല ന്യുമോണിയ സ്റ്റാഫൈലോകോക്കസ് ഓറിയസ്, എൻ്ററോകോക്കസ് ഫെക്കാലിസ്, സ്യൂഡോമോണസ് എരുഗിനോസ, ബാക്‌ടീരിയോഡ്‌സ് ഫ്രാഗിൾസ് തുടങ്ങിയ രോഗാണുക്കളും പ​ഠ​നത്തിൽ കണ്ടെത്തി.

ശ്വാസകോശ സംബന്ധമായ അണുബാധകൾ (ന്യുമോണിയ, ബ്രോങ്കൈറ്റിസ്), മൂത്രനാളിയിലെ അണുബാധകൾ, ദഹനനാളത്തിലെ അണുബാധകൾ, ഇൻട്രാ-അബ്ഡോമിനൽ അണുബാധകൾ തുടങ്ങിയവയ്ക്കെല്ലാം ഇത് കാരണമായേക്കാം. പാ​കം ചെ​യ്താ​ലും ചി​ല ബാ​ക്ടീ​രി​യ​ക​ൾ നി​ല​നി​ൽ​ക്കും.

RELATED STORIES