റിലയന്‍സ് ജിയോ ഇന്ത്യയില്‍ പുതിയ ലാപ്‌ടോപ്പ് അവതരിപ്പിക്കാന്‍ ഒരുങ്ങുന്നു

Reporter: News Desk 25-Jul-2023
1,885
റിലയന്‍സ് ജിയോ ഇന്ത്യയില്‍ പുതിയ ലാപ്‌ടോപ്പ് അവതരിപ്പിക്കാന്‍ ഒരുങ്ങുന്നു

ജിയോബുക്ക് ലാപ്ടോപ്പ് ആണ് ലോഞ്ച് ചെയ്യുന്നത്. ജൂലൈ 31നാണ് ലാപ്ടോപ്പ് രാജ്യത്ത് അവതരിപ്പിക്കുക. ആമസോണിലെ ടീസറിലാണ് ലാപ്‌ടോപ്പിന്റെ അവതരണ തിയ്യതി നല്‍കിയിട്ടുള്ളത്. കമ്പനി കഴിഞ്ഞ ഒക്ടോബര്‍ മാസത്തില്‍ അവതരിപ്പിച്ച ജിയോബുക്ക് ലാപ്‌ടോപ്പിന്റെ പുതുക്കിയ പതിപ്പായിരിക്കും ഇതെന്നാണ് റിപ്പോര്‍ട്ടുകള്‍.

‘ഓള്‍-ന്യൂ ജിയോബുക്ക്’ ലോഞ്ച് ചെയ്യുമെന്നാണ് ആമസോണില്‍ നല്‍കിയിട്ടുള്ളത്. കഴിഞ്ഞ വര്‍ഷം ഒക്ടോബറില്‍ ലോഞ്ച് ചെയ്ത ജിയോബുക്കിന് സമാനമായ ഡിസൈനായിരിക്കും പുതിയ ജിയോബുക്ക് ലാപ്ടോപ്പിനും ഉണ്ടാവുകയെന്ന് ആമസോണിലെ ടീസറില്‍ നിന്നും വ്യക്തമാകുന്നത്. കോംപാക്റ്റ് ഫോം ഫാക്ടര്‍ ഉള്ള ലാപ്‌ടോപ്പ് നീല നിറത്തിലാണ് വരുന്നത്.

4ജി കണക്റ്റിവിറ്റിയുള്ള ജിയോബുക്ക് ലാപ്‌ടോപ്പിന് കരുത്ത് നല്‍കുന്നത് ഒക്ടാ കോര്‍ പ്രോസസറായിരിക്കും. ഹൈ-ഡെഫനിഷന്‍ വീഡിയോകള്‍ സ്ട്രീം ചെയ്യാനുള്ള സ്‌ക്രീനും ഈ ലാപ്‌ടോപ്പില്‍ കമ്പനി നല്‍കും.

RELATED STORIES