പുതുപ്പള്ളി ഉപതെരഞ്ഞെടുപ്പിനുള്ള ഒരുക്കത്തിലേക്ക് കടന്ന് കോൺഗ്രസ്

Reporter: News Desk 07-Aug-2023
2,073
പുതുപ്പള്ളി ഉപതെരഞ്ഞെടുപ്പിനുള്ള ഒരുക്കത്തിലേക്ക് കടന്ന് കോൺഗ്രസ്

പുതുപ്പള്ളി: നിയോജക മണ്ഡലത്തിലെ 182 ബൂത്തുകളിലേയും ചുമതലക്കാരുടേയും മണ്ഡലം-ബ്ലോക്കു പ്രസിഡണ്ടുമാരുടേയും , കെപിസിസി, ഡിസിസി നേതാക്കളുടേയും, നിയോജക മണ്ഡലത്തിലെ ചുമതലക്കാരുടേയും യോഗം ഇന്ന് ഉച്ചകഴിഞ്ഞ് തെള്ളകത്ത് ഉള്ള ആദാമിൻറെ ചായക്കടയോടു ചേർന്നുള്ള ആഡിറ്റോറിയത്തിൽ ചേരും. പ്രതിപക്ഷനേതാവ് വി.ഡി സതീശൻ പങ്കെടുക്കും.

ഉമ്മൻ ചാണ്ടിക്ക് പകരക്കാരനായി ആരാകും പുതുപ്പള്ളിയിലെ കോൺഗ്രസിന്‍റെ സ്ഥാനാർത്ഥി എന്നറിയാനുള്ള ആകാംക്ഷ തുടരുകയാണ്. ഉമ്മൻ ചാണ്ടിയുടെ കുടുംബത്തിൽ നിന്നാകും സ്ഥാനാർത്ഥിയെന്ന തീരുമാനത്തിലേക്കാണ് കോൺഗ്രസ് എത്തുന്നതെന്ന സൂചനകൾ ആദ്യം മുതലെ പുറത്തുവന്നിരുന്നു. എന്നാൽ അന്തിമ തീരുമാനം ഇനിയും ആയിട്ടില്ല. ഇക്കാര്യത്തിലും പുതുപ്പളളി ഉപതിരഞ്ഞെടുപ്പ് മുന്നൊരുക്കത്തിന്‍റെയും ഭാഗമായിയാണ് കോട്ടയം ജില്ലയിലെ പ്രധാന കോണ്‍ഗ്രസ് നേതാക്കളുടെ യോഗം ഇന്നു ചേരുന്നത്.

RELATED STORIES