കോട്ടയത്ത് ഒന്‍പത് മാസം പ്രായമുള്ള കുഞ്ഞുമായി ബസില്‍ യാത്ര ചെയ്ത യുവതിയെ കടന്നുപിടിച്ച പൊലീസ് ഉദ്യോഗസ്ഥന്‍ അറസ്റ്റില്‍

Reporter: News Desk 26-Nov-2023
1,435
കോട്ടയത്ത് ഒന്‍പത് മാസം പ്രായമുള്ള കുഞ്ഞുമായി ബസില്‍ യാത്ര ചെയ്ത യുവതിയെ കടന്നുപിടിച്ച പൊലീസ് ഉദ്യോഗസ്ഥന്‍ അറസ്റ്റില്‍

പെരുവന്താനം പൊലീസ് സ്റ്റേഷനിലെ സിവില്‍ പൊലീസ് ഓഫീസറായ അജാസ് മോന്‍ ആണ് കേസില്‍ അറസ്റ്റിലായത്. ശനിയാഴ്ച വൈകുന്നേരമാണ് കേസിന് ആസ്പദമായ സംഭവം നടന്നത്.

കോട്ടയത്ത് നിന്ന് മുണ്ടക്കയത്തേക്കുള്ള ബസില്‍ യാത്ര ചെയ്യുമ്പോഴാണ് യുവതിയ്ക്ക് അതിക്രമം നേരിട്ടത്. യാത്രയ്ക്കിടെ കുഞ്ഞിന് യുവതി പാല് കൊടുത്തിരുന്നു. ഈ സമയത്താണ് അജാസ് യുവതിയെ കടന്നുപിടിച്ചത്. സംഭവത്തെ തുടര്‍ന്ന് ഭയപ്പെട്ടുപോയ യുവതി പൊന്‍കുന്നം എത്തിയതോടെ ബസില്‍ നിന്ന് ഇറങ്ങി മറ്റൊരു ബസില്‍ കയറുകയായിരുന്നു.

അതേ സമയം പ്രതി അജാസും ബസില്‍ നിന്നിറങ്ങി യുവതി കയറിയ ബസില്‍ കയറുകയായിരുന്നു. ഇതോടെ യുവതി ഭര്‍ത്താവിനെയും ബന്ധുക്കളെയും വിവരം അറിയിച്ചു. ബസ് കാഞ്ഞിരപ്പള്ളിയിലെത്തിയതോടെ യുവതി അവിടെ ഇറങ്ങി. പിന്നാലെ പ്രതിയും കാഞ്ഞിരപ്പള്ളിയില്‍ ഇറങ്ങി. തുടര്‍ന്ന് അവിടെ കാത്തുനിന്ന യുവതിയുടെ ബന്ധുക്കള്‍ ഇയാളെ പിടികൂടി പൊലീസില്‍ ഏല്‍പ്പിക്കുകയായിരുന്നു. പൊന്‍കുന്നം പൊലീസ് ആണ് ഇയാളെ കസ്റ്റഡിയിലെടുത്തത്.

RELATED STORIES