ദുബൈ ഫ്രെയിം കാണാൻ വിഐപി ടിക്കറ്റ് പുറത്തിറക്കി

Reporter: News Desk 10-Feb-2024
1,741
ദുബൈ ഫ്രെയിം കാണാൻ വിഐപി ടിക്കറ്റ് പുറത്തിറക്കി

സന്ദർശകർക്ക് ഗൈഡഡ് ടൂർ, റിസർവ്ഡ് പാർക്കിംഗ്, ഒരു സ്വകാര്യ ഗേറ്റിലൂടെ വേഗത്തിലുള്ള പ്രവേശനം എന്നിവ നൽകുന്നതാണ് പുതിയ വിഐപി ടിക്കറ്റ്.

ഒരു ടിക്കറ്റിന് 300 ദിർഹം നിരക്കിലാണ് വിഐപി ടിക്കറ്റ് ലഭിക്കുക. പബ്ലിക് പാർക്കുകളും വിനോദ സൗകര്യങ്ങളും ഉൾപ്പെടെയുള്ള ആകർഷകവും പൂർണ്ണവുമായ സംയോജിത സൗകര്യങ്ങളും സേവനങ്ങളും വാഗ്ദാനം ചെയ്യുന്നതിനുള്ള ദുബൈ മുനിസിപ്പാലിറ്റിയുടെ ശ്രമങ്ങൾക്ക് അനുസൃതമായാണ് വിഐപി പാക്കേജ് വരുന്നതെന്ന് വകുപ്പ് ഡയറക്ടർ അഹമ്മദ് അൽ സറൂനി പറഞ്ഞു.

2018 ജനുവരിയിൽ തുറന്ന ദുബൈ ഫ്രെയിം ഇതുവരെ 5.5 ദശലക്ഷത്തിലധികം സന്ദർശകരെ ആകർഷിച്ചു. ദുബൈയുടെ ആദ്യകാല പ്രവർത്തനങ്ങൾ മുതൽ ഭാവി വികസനത്തിനായുള്ള സ്വപ്ന പദ്ധതികൾ വരെ കാണിക്കുന്നതാണ് ദുബൈ ഫ്രെയിം. സ അബീൽ പാർക്കിനുള്ളിലാണ് ഫ്രെയിം സ്ഥിതി ചെയ്യുന്നത്.

ദുബൈ ഫ്രെയിം വാരാന്ത്യങ്ങളും പൊതു അവധി ദിനങ്ങളും ഉൾപ്പെടെ വർഷം മുഴുവനും തുറന്നിരിക്കും. രാവിലെ 9 മുതൽ രാത്രി 9 വരെയാണ് സമയം. റമദാൻ, അവധി ദിവസങ്ങൾ, പൊതു അവധി ദിവസങ്ങളിൽ സന്ദർശന സമയം വ്യത്യാസപ്പെടാം. മുതിർന്നവർക്ക് സാധാരണ ടിക്കറ്റ് നിരക്ക് 50 ദിർഹവും 3 നും 12 നും ഇടയിൽ പ്രായമുള്ള കുട്ടികൾക്ക് 20 ദിർഹവുമാണ്. 3 വയസ്സിന് താഴെയുള്ള കുഞ്ഞുങ്ങൾക്ക് പ്രവേശനം സൗജന്യമാണ്.

RELATED STORIES